Dare

营业中

休息中

大学时期经常系水街揾嘢食，毕业后好少去西环。今日经过，决定试下呢间小店。小店最多坐大约廿人，星期五晚市大约八成满，生意算系唔错。地方细细，环境舒服。食物选择不算太多，主要系饭、意粉同小食。避风塘鸡翼单骨。$38 有十枝单骨，十分香口，作为饭前小食十分开胃。汁烧牛舌饭。七大块牛舌，牛舌仲多过饭。无论汁、牛舌、定系伴菜嘅茹都十分出色。黑松露杂菌意粉。好多黑松露，意粉炒得好香，面质弹牙。两个人埋单都只系百六蚊。总括而言，又平又好味。难怪系肺炎疫情底下依然好好生意。