小糖鈕 (已結業)

之前男友同家人食过小糖钮嘅甜品，摆盘靓味道好，一直都谂住会再帮衬，咁啱我哋想睇嘅戏尖沙咀有场，决定睇戏之前去食个lunch😊唔使睇餐牌，已经一早决定食海南鸡饭，因为最多好评😂。但坦白讲，今次令我惊艳既，系男友个喇沙炆羊后膝😍先讲海南鸡饭，会有个中汤，＋$1可以配是日花茶，我个日系柠檬薏米水，超好饮，呢啲天气简直消暑👍🏻，而且系劲抵，出面冻饮至少加两蚊啦，仲有个中汤好夸张，冇期望下，佢竟然攞咗碗椰子煲鸡脚俾我，仲要系好清好饮有椰子味，crazy，睇相好似唔满一碗咁，系因为我已经饮左一半🤣相反个海南鸡饭可能我好大期望啦，我又觉得中规中矩，但$80海南鸡饭+椰子鸡脚汤+柠檬薏米水+甜品，呢个价真系好值👍🏻男友𠮶个饭冇影相，因为我本来唔食羊，冇谂住写，但见佢食得咁滋味，我就想试吓，第一站系汁＋饭，ok㖞，唔so，而且个汁有少少辣，我劲钟意😍，试吓个萝卜，正呀喂🤣，最后连羊肉都试埋，结论系，呢个冷真系好正，由汁到饭，配菜到羊肉，都比我同男友清干净，呢只羊膝啖啖肉，食到我两个超饱，完全满足到食欲。入餐厅时间系晏昼两点松啲，冇乜人，希望可以有多啲人支持呢啲高品质嘅小店，绝对值得支持👍🏻