喬木

营业中

休息中

元朗多野食就系人都知，咁多间都唔知点拣，行行下见到间好日式既小店，装修简洁而且够光猛，好吸引就谂住试下。餐牌设计非常有心思，餐牌既字系用手写设计，份外有亲切感，每个定食都会包茶碗蒸，沙律，渍物，前菜，味噌汤，乌冬同饭。照烧地鸡横隔膜横隔膜本身好烟韧，但系又唔会令人感觉赵得辛苦，用左地鸡令鸡味更突出，另外佢既照烧汁好浓郁，送饭一流。盐烧油甘鱼鲛油甘鱼鲛份量好多，再加上本身烧得香脆，鱼油都锁系入面，再加上鱼肉既滑嫩，呢个真系必点之选。黑芝麻奶冻&流心芝士蛋糕黑芝麻奶冻好清香，奶冻好滑，仲食得出有芝麻既颗粒。芝士蛋糕入面有三层唔同既芝士，有三个唔同既口感，好有日本既味道。