COBALT

营业中

休息中

烤慢煮美国猪肋骨（半份 $118)呢个非常惊喜，我哋叫咗半份，一上枱咁大碟，性价比极高，仲有班薯条同埋粟米伴菜，猪肋骨考得非常软林林，好容易切，仲要骨与骨之间超级多肉，非常入味，必食！紫菜椒盐鱿鱼须 $98椒盐再加埋柠檬汁，鱿鱼须唔韧。鸡翼三味（青柠黑椒，13香，避风塘) $78呢度写住三味，但系唔系其实包晒三个味道，只系三个味道拣其中一样，咁我哋就拣咗避风塘，一上枱非常之香。好似食紧避风塘海鲜𠮶啲味道咁，跟住鸡翼炸得非常之松脆，加埋避风塘，惹味到不得了。非常有惊喜！香茅烧虎虾 $108会有碌香茅插着只虾，一食有香茅嘅味道就会谂起家乡泰国🤤🤤🤤🤤海胆忌廉汁蟹肉意大利饭 $138毫无吝啬蟹肉，差唔多每一啖都可以食到蟹肉，个意大利饭，口感啱啱好，唔会太淋同埋太硬。