Coffee by Zion

营业中

休息中

公司附近开咗越来越多小店，返工唔系咁忙嘅时间我多数都会喺小店度坐返个零两个钟，见到呢间小店一出地铁站行过对面马路就系，咁方便就拣你嚟试吓。餐厅有lunch set，三文鱼牛油果沙律，超级大份，额外加$18点咗炒杂菇，另外加钱再叫咗个烤蕃茄，估唔到呢10几蚊系咁超值，因为系另外碟上而且份量都唔少，最开心系真系好好味，炒菇一啲都唔苦，味道好香浓，咁大个蕃茄烤完之后竟然超级甜，令到一份原本平平无奇嘅沙律，因为呢两样配菜变得非常之精彩。Lunch加钱可以饮杯靓咖啡，但竟然有晒拉花，卖相唔止靓，而且味道都好好，咖啡味浓郁，简直系提神之选。原来呢度连甜品都有得食，忍唔住点左一份窝夫，非常有惊喜，因为窝夫即叫即整，食入口外脆内软，连埋雪糕一齐食，冰火嘅感觉太正，成餐lunch真系大满足。