Amour Cafe

营业中

休息中

一直没有写开食评，但由于唔想呢类小店买少见少，决定写一写呢间小店。多年前由朋友介绍，一直食到而家搬埋新舖，环境好左食物仍然保持水准！寻日再同朋友去食，都系叫左白板上面嘅Set, 有汤有主菜有甜品有野饮，每人都唔驶一百蚊，超值！首先，薯仔忌廉汤，我系唔记得影相嘅😅 主菜我拣左蕃茄酸豆香辣鸭胸意粉，拎埋黎见到个鸭胸煎得好靓，意粉亦唔干，蕃茄味好足，酸酸辣辣好开胃。 朋友就叫左煎鸡扒牛肝菌忌廉扁意粉。不过个扁意粉唔系我想像中好阔𠮶种，望落似意粉，但又真系扁身嘅。 鸡扒都煎得香口juicy，牛肝菌汁有点杰，但好香滑，仲有好多牛肝菌系面。甜品我就叫左吉士蛋，卖相唔算好，但食落都滑嘅。朋友个芝士饼卖相都系普通，听佢讲味道唔会太甜，味道唔错。最后加左几蚊转饮Mocha, 我个人觉得奶味比较重，但朋友觉得适中。所以都系睇个人口味。