Potluck Eatery

最近去咗间西餐厅食饭，环境几好，灯光柔和，感觉几舒服。叫咗几样嘢试吓，整体嚟讲都唔错🍴首先系鹅肝牛肝菌扁意粉 $198，鹅肝煎得好香脆，入口即溶，个牛肝菌味好香，同鹅肝好夹！扁意粉煮得啱啱好，口感烟韧，酱汁又浓郁，成个味道好丰富。跟住叫咗个脆炸鱿鱼拌墨鱼汁沙律酱 $98，炸鱿鱼脆卜卜，唔会韧，个墨鱼汁沙律酱酸酸甜甜几开胃。最后系西班牙乳猪 1/4 $298，乳猪皮脆到不得了，肉质又嫩滑，油脂丰富但唔会太腻，味道好好！份量都几多，啱晒几个人share。我哋仲加咗$40升级套餐，有汤、面包、饮品同埋雪糕。整体嚟讲，呢餐饭质素几高，味道唔错。