shh Cafe

营业中

休息中

喺尖沙咀见到呢间Cafe，我觉得好吸引，地下系Cafe，楼上系按摩店，装修行小清新路线，望落去已经好舒服。我哋点咗二人餐，头盘系神石榴带子香草油醋沙律，带子煎得啱啱好，食落去好嫩滑，沙律加上神石榴，令口感丰富不少。蒜香牛油白酒煮蚬份量好多，显好大只，全部都冇沙，配上蒜香牛油汁，甚是滋味。主菜方面选择咗澳洲"36° South" MB2+谷饲西冷配红酒黑醋汁，块扒好大，而且配菜都好多，配菜有个脆脆，配合酱汁，成件事好夹。牛扒点五成，肉质结实，牛味浓郁。另外一个主菜系墨汁鱿鱼圈三文鱼籽意大利饭，入面另有好多蘑菇，鱿鱼圈好新鲜，三文鱼籽更有提鲜作用，出色！是日甜品系士多啤梨芝士蛋榚同埋Tiramisu窝夫，两个甜品都唔会好腻好甜，配上餐茶伯爵茶，为呢餐晚饭画上圆满嘅句号。