晶輝飯店 (已結業)

作为街坊，晶辉都系附近其中一间最高汁既老字号店。大排档既关系，环境当然唔可以多多要求，冷气够劲，已经足够啦！生炒骨粉薄够脆，肉多少骨，腩排仲保留到肉汁，唔系超级大碟两个个食刚刚好。椒盐九肚鱼，好耐冇食过仲系成碌既九肚鱼，出面一般都切薄再炸，变左净系食到炸粉同炸蒜味。晶辉呢个似返旧式味道，仲食到鱼身滑流流蚬蚧鲮鱼球，手打好弹好好食，不过蚬蚧太少唔够点！另一招牌菜荷叶饭，有得拣虾，蟹或者田鸡，我地点左蟹，真系有成只蟹架！卖相已经杀晒，加左蒜蓉，饭够香，几有特色。