六合小廚 (已結業)

系Apple买完野见到格离楼上有几间餐厅，于是就上去试下，可能楼上铺唔起眼，所以唔洗等位。我地2个女仔叫左个香辣蟹套餐，3个𩠌1个炒饭1个汤已经饱到撑住走，份量好够，好足料。首先个胡椒猪肚汤，饮完一碗真系会上瘾黎多碗，而且有好多汤料，料足个汤底先会浓郁。我见到mean有胡椒猪肚汤汤底的车仔面，钟意胡椒猪肚汤的人可以试下，几特别。其次要赞一赞带子炒西兰花呢个𩠌，带子好大粒好鲜甜，良心推荐。阔佬炒饭D饭粒粒粒分明，证明师傅火候控制得好好，一开始我地就食哂个炒饭。烧味拼盘胜在皮肉够滑，最后个香辣蟹系我地最期待，够脆易咬，啱我地两个懒人，蟹肉唔算好多但味道唔错，最钟意个蟹盖多膏。