楓林小館 (已結業)

同屋企人食饭食中菜就最岩佢地口味！今次近近地试下荃湾广场既枫林小馆，菜式选择都几多！我地叫左个咕噜肉，因为酸酸甜甜够开胃！呢度既咕噜肉整得几出色，外皮松脆，里面既肉好腍，热辣辣！另外就叫左个咸鱼鸡粒豆腐煲！呢个捞饭食最正！豆腐炸香左更能吸收酱汁嘅味道！鸡粒都好滑！味道又香好浓！最后不得不提既系笼仔蒜香蟹饭！有原只羔蟹加上蒜蓉既原笼蒸饭！个饭够干身，蒜香味恰到好处！只羔蟹都好靓好多羔！真系食到停唔到口呀！有机会要再试下其他菜式呀！