四寶食堂 (華凱大廈)

营业中

休息中

四宝用上Tiffany Blue色调喺电气道好抢眼💛嗱时段经过都有一条小小嘅人龙，等咗5分钟入座完就快快手叫完餐，等一阵就有得食。喜哥葱油猪扒太阳蛋饭 $58好多人都食呢个招牌菜，大大件猪扒啖啖肉，肉质唔松散，爽口又腌得够味。葱油同大阳蛋加埋甜豉油送饭一流！常餐B $50香浓沙嗲牛肉面配嫩滑炒蛋 及 自家制精选面包牛肉有咬口唔会嗱到松晒，沙嗲汁香浓有花生粒，捞匀沙嗲汁去爽口嘅面度，味道啱啱好。炒蛋滑得嚟唔会油淋淋，面包系比较少见嘅墨西哥包，甜甜地仲要系实心包，几好食又特别。午餐香芋腊味炒饭配双冬羊腩 $68秋风刚起，腊味羊腩缺一不可，羊腩炆得又香又够入味，香芋腊味炒饭足料，啖啖都食到芋头粒同腊味粒，用白饭炒比起糯米饭易消化亦少咗份肥腻感餐饮我哋分别叫咗热奶茶同埋茶走，茶味非常之浓郁，饮落亦都好顺滑。茶走加咗炼奶，成杯奶茶就更加香滑总结：性价比极高，咁嘅价钱咁嘅份量仲要系高质素，唔怪得真系咁多人排队食。