北海道爐端燒 (已結業)

今日又想食日本野，同事就推介左一间喺尖沙咀嘅居酒屋，所以就去食下。呢度嘅装修真系好日本风，好似去咗日本食野咁啊。呢间餐厅都几多选择，我哋最后就拣咗：庵鹑蛋豚肉，浜烧蟹盖，左口鱼边寿司，精选刺身拼盘（3种），味增汤煎饺子同埋招牌酥脆鸡块。庵鹑蛋豚肉:都几惹味，但系如果个豚肉juicy d就好！浜烧蟹盖:喱个真系好好食，佢入面全部都系蟹膏，劲香，整果阵好得意，将个庵鹑蛋打落去，落啲油，再烧，劲好味，推荐大家食！左口鱼边寿司：劲香，入口即溶，同个左口鱼边好肥美，好好食！精选刺身三种：原来系呢度嘅精选刺身系由厨师发板，今日嘅刺身就有带子，三文鱼同埋油甘鱼。全部都系我钟意食嘅，佢嘅带子上面仲有啲三文鱼子，每款刺身都好鲜甜，特别系带子，都好好味。味噌汤饺子：我个人就觉得呢个饺子普通，但男朋友就觉得几好味。招牌酥脆鸡块：呢个鸡块就好好食，佢嘅外皮好脆，但系啲肉就好滑呀，劲juicy ，果然系招牌！ 人均消费大概$260 ，以居酒屋来讲都几抵食。