影片
更多
2024-02-29
63 浏览
［#免费和服体验］ 疯狂任饮全港最齐最多～#自助清酒机仲有即日空运新鲜刺身，绝对系最近食过，觉得性价比好高嘅： 响 居酒屋 Hibiki Japanese Restaurant有得玩，又有得食，扮吓去咗日本嘅感觉，同老公拍拖仔食：#尊贵日式居酒屋M5和牛料理二人晚餐 ($998) #清酒机任饮（$188）清酒机用QR code登记，就可以出去选择自己喜欢嘅味道，apps 内有各款清酒介绍，亦可以自己+记录自己钟意嘅味道。客人可以一次斟多杯清酒，并以号码小牌记下各种不同的清酒，喜欢的可以多斟一点，老公仔非常开心，而我哋最钟意嘅两款味道系：#伯楽星特别纯米 及 #獭祭45纯米大吟酿我个人喜欢甘口浓厚的清酒。而家居酒屋有 #和服体验有男女装和服，有齐饰物配件、有打卡位、可写绘马，嚟食嘢之余仲可以影相同玩吓，都几有心思！食物方面，刺身同寿司，令我哋好惊喜，原来刺身系即日空运，难怪咁鲜甜美味！最赞赏系：三文鱼籽寿司，粒粒大大粒胀卜卜，店员话我哋知佢哋用嘅系A级鱼籽，厨师亦有特别处理过鱼籽，令佢更加鲜甜真系一食难忘。另外左口鱼裙边寿司，系入口即溶化，香浓鲜甜嘅味道充斥整个口腔。池鱼刺身亦好弹牙！加
有得玩，又有得食，扮吓去咗日本嘅感觉，
同老公拍拖仔食：#尊贵日式居酒屋M5和牛料理二人晚餐 ($998)
#清酒机任饮（$188）
清酒机用QR code登记，就可以出去选择自己喜欢嘅味道，
apps 内有各款清酒介绍，亦可以自己+记录自己钟意嘅味道。客人可以一次斟多杯清酒，并以号码小牌记下各种不同的清酒，喜欢的可以多斟一点，
老公仔非常开心，而我哋最钟意嘅两款味道系：#伯楽星特别纯米 及 #獭祭45纯米大吟酿我个人喜欢甘口浓厚的清酒。而家居酒屋有 #和服体验有男女装和服，
有齐饰物配件、有打卡位、可写绘马，嚟食嘢之余仲可以影相同玩吓，都几有心思！
食物方面，刺身同寿司，令我哋好惊喜，原来刺身系即日空运，难怪咁鲜甜美味！最赞赏系：三文鱼籽寿司，粒粒大大粒胀卜卜，店员话我哋知佢哋用嘅系A级鱼籽，厨师亦有特别处理过鱼籽，令佢更加鲜甜真系一食难忘。另外左口鱼裙边寿司，系入口即溶化，香浓鲜甜嘅味道充斥整个口腔。
池鱼刺身亦好弹牙！加埋特调酱汁越食越开胃，仲有帆立贝，啖啖鲜甜，好耐都未食过咁好味嘅帆立贝。
倒返转，讲返前菜，自家腌制渍物好好味，成餐饭食到最后我都不断食返前菜，每次一食就令我更开胃。
#鳕鱼片 香脆，#支豆 都好过口瘾，不过太多嘢食最后食唔晒啲支豆～～
串烧有五款，我最钟意系牛舌同烧鳝，鱼皮好香脆，牛舌爽口有肉汁，呢啲香口食物好啱送洒。
主菜我哋拣咗 #M5和牛，系用黑椒烧熟，肥瘦均匀，脂香满满
#杂菌蚬肉清汤：蚬肉无沙大粒饱满，汤嘅菇味好出，不过略嫌有少少咸，所以我食晒蚬肉同埋所有嘅菇，汤就冇饮晒。
#牛肉瓦荞麦面：送上一碗汤，可以沾荞麦面食，荞麦面底部炸到少少㶶的香口，面层系辣萝卜蓉，加埋清新柠檬，牛肉炒得惹味，虽然食到呢part已经好饱，但系又会不知不觉食晒！
套餐的巨峰梳打：
甜品系 #雪花冰，雪花冰嘅味道系红豆，好似食紧炼奶红豆冰，爽口清甜，作为结尾甜品感觉好满足。以为已经好饱食唔落，但系清凉雪花冰好顺口，又系不知不觉食晒
下次去观塘居酒屋，我都会再encore！
张贴
