黑木亭居酒屋 (清風街) (已結業)

衬住呢排无咁忙 同朋友夹到时间黎呢间居酒屋吹下水 relax下🥰呢间离地铁站好近 行几分钟就到❤️野食又好高质！🥗前菜先点左我至爱既「蟹将军薯仔沙律」！几好食～份量仲好多添！🍱主食个A5和牛海胆丼饭真系十分推介！每个饭会配个生蛋，捞埋啲和牛食，非常滑溜！和牛半生熟 牛味好出～饭又加左和牛汁！真系好好食！赞👍🏻🍢另外叫左好多款串烧试下🌟之前听过朋友讲过系台湾食「七里香」（即鸡屁股）好好食系真架！今次系到叫既鸡屁股烧到外层好脆，入口咬开即溶，好香既油脂系口腔🌝完全食唔停口🥹🌟羊架烧得好香，旁边仲有啲酱，酸酸甜甜几开胃又解腻！推介！🌟脆烧豆腐都有惊喜！落左啲酱汁烧到外层脆脆地，有种烧章鱼烧既风味🥰🌟饮品都好用心，卖相好靓！蜜桃乌龙茶上面有只熊仔劲可爱🐻洛神花梳打渐变色 劲靓❤️👍🏻整体黎讲每道菜都几好食食物款式都好多 可以再同朋友黎encore