天勝

营业中

休息中

今日妟就食得太饱，所以夜晚就谂住食啲轻盈啲既日本菜啦，就同朋友黎到铜锣湾呢间日本餐厅。餐厅唔系好大，得几张枱，不过服务员既态度好好，非常友善。前菜我地嗌左秋葵酢，醋加埋啲木鱼，咸咸酸酸地好开胃，秋葵切到一粒粒，唔会滑潺潺。前菜仲叫左个煎鱼头，煎得好香好脆，啲肉一啲都唔干。个鱼头好大个，唔会净系得啲骨同皮，有好多肉。然后主菜叫左六件握寿司同热既天妇罗荞麦面。六件握寿司系厨师发板，有海胆和鱼子，仲有带子同拖罗。啲材料好足，好大份，好新鲜，一啲都唔腥。天妇罗有两件虾，一件冬菇（好大粒）加一片紫菜。一啲都唔粉，好松脆。最后，加多一份盐烧鸡翼，厨师将鸡翼果两条骨分开左，好贴心，食落好方便。调味岩岩好，唔会太咸，又唔会有雪藏味，加两滴柠檬，好食！系铜锣湾呢个地段，有好多日本餐厅，不过呢一间，真系值得推介。