北海道爐端燒 (已結業)

今晚放工想松一松，同个同事黎左呢间系尖沙咀啲日本餐厅。一入到去，店员好礼貌咁招呼我地。店内环境都算几干净。呢间日本餐厅啲菜式比较多样化，而且有我最期待啲海胆，仲要系唔贵，咁当然要点黎试啦！由于好多都好吸引，所以唔觉意点多左。落单无耐，食物陆续黎到。先来个牛油酱油烤鳕白子，一送到黎时，有阵好香啲牛油甜味，食落有浓浓蒜味，口感似面包，感觉第一个菜式已经唔错。再黎就系羊架烧，黎啲时候连埋只酱料在旁，食落都好juicy, 肉质嫩，油脂分布ok，有盐香，非常交到货。 跟著有蟹肉膏烧，有海水味好浓郁，膏非常滑，加埋蟹肉鱼子烧过好正。然后食左三文鱼亲子丼，卖相非常丰富，三文鱼够厚，鱼子好有咸香，口感好正，三文鱼好滑。到我最期待的海胆，非常新鲜，有浓浓海水味，好creamy，超正，仲可以用紫菜包来吃，个人觉得呢个价钱绝对收货。整体黎讲，呢间日本餐厅绝对可以回头翻食，价钱合理，食物质素高。