十戶 (已結業)

今次试吓去唔同区嘅居酒屋，铺位唔算显眼，入面嘅格局都几有气氛。首先试咗水母刺身做前菜，第一次食，咬落去非常爽脆，但冇咩特别味道，主要靠点嘅酱汁。十户特选寿司精选左八款唔同嘅寿司，当天有海胆、鲷鱼、油甘鱼、牡丹虾等等。整体来讲几新鲜，寿司饭咬落去软绵。豚腩肉包糖心鸡蛋呢个烧物喺其他店比较少见，豚腩肉嘅油脂感被蛋黄中和左，冇咁油腻，豚腩嘅香味好吸引。粟米天妇罗又系另一个比较特别嘅组合，鲜甜嘅粟米粒加上粉浆炸至金黄色，口感比较硬身。十户卷有一个位非常有心思，店家用上唔同嘅刺身包住卷物，卷物馅料炸过，非常香脆。深海池鱼卷入面包住葱，深海池鱼好有鲜味，上面仲加左少少黑松露酱，好特别。