醉忘魚屋 (已結業)

朋友带我去呢间居酒屋d野食好精致，几特别，特地叫咗以下几款试吓极上刺身四点礼分别有拖罗，入口即溶，d油脂充满晒成个口油金鱼，非常新鲜，鱼味浓郁牡丹虾，非常贴心已经剥咗壳，虾肉劲弹牙爽口帆立贝，劲厚切，好鲜甜吞云吐雾，原来系烟熏芝士拼炸鱼皮，个卖相已经好吸睛，d烟熏香气已经注满晒喺个盖入面，一开盖d烟熏已经涌出黎，好香苹果木香味，d芝士都有烟熏过，食落好香劲浓芝士味，配埋炸紫菜一齐食，劲正。日出，原来系蕃茄沙律，原个番茄，打开入面原来入面仲有啫喱，好有创意，食落好清新清酒煮蚬，d蚬肉粒粒胀卜卜，好鲜甜，个汤好鲜味，好浓郁嘅蚬味同清酒味。汁烧太刀鱼，鱼肉吸收晒d烧汁，几好味。烧蕃薯，烧到个皮有焦香味，好香甜。极上盐烧牛舌，个牛舌系劲厚切，食落好爽口，个唔感好正。烧黑豚腩肉，烧到外面脆卜卜，入面d肉仲好嫩，唔错。烧鸡翼，个皮烧到劲脆，d鸡肉仲好juicy。烧粟米，佢地用个甜甜地嘅汁烧，可以带出粟米香甜嘅感觉。烧自家制免治鸡肉捧，食落除咗有鸡肉，仲有鸡软骨嘅喺入面，口感好得意，配埋生鸡蛋同秘制酱油，好夹好好食。