影片
更多
2024-05-29
2564 浏览
九龙湾Mega Box其实有好多餐厅食肆，以前喺𠮶度返工会去，而家就少咗。𠮶日睇到一个居港日本人网路红人介绍呢间餐厅，一于今日放工专程去试吓。谂住想食串烧，点知发觉有个一人套餐$498好似好抵食，包沙律、刺身、扬物、烧物、海胆饭、面豉汤仲有甜品，第二份半价，于是我哋两个就决定一试。先嚟系牛油果三文鱼腩沙律，肥美三文鱼切成大大粒，加埋新鲜牛油果放落个充满醋汁嘅沙律菜捞匀，真系好醒胃！再上就系刺身，一片肥大肉厚拖罗、一片三文鱼腩、一片爽脆剑鱼，加埋新鲜牡丹虾，鲜味爆灯呀！然后茶碗蒸、面豉汤、烧物、扬物陆续上场，全部都正常发挥。最后轮到海胆鲽鱼群边三文鱼子饭出场，但我哋其实已经好饱，但贯彻唔浪费食物的原则，全部食晒！仲有甜品忌廉泡芙作结，真系好满足！！餐厅地方静静地，食物有质素，希望有多啲人帮衬啦！我哋已经决定下次去食串烧喇！
谂住想食串烧，点知发觉有个一人套餐$498好似好抵食，包沙律、刺身、扬物、烧物、海胆饭、面豉汤仲有甜品，第二份半价，于是我哋两个就决定一试。
先嚟系牛油果三文鱼腩沙律，肥美三文鱼切成大大粒，加埋新鲜牛油果放落个充满醋汁嘅沙律菜捞匀，真系好醒胃！
再上就系刺身，一片肥大肉厚拖罗、一片三文鱼腩、一片爽脆剑鱼，加埋新鲜牡丹虾，鲜味爆灯呀！
然后茶碗蒸、面豉汤、烧物、扬物陆续上场，全部都正常发挥。最后轮到海胆鲽鱼群边三文鱼子饭出场，但我哋其实已经好饱，但贯彻唔浪费食物的原则，全部食晒！仲有甜品忌廉泡芙作结，真系好满足！！
餐厅地方静静地，食物有质素，希望有多啲人帮衬啦！我哋已经决定下次去食串烧喇！
张贴
