申子居酒屋

营业中

休息中

之前已经试过铜锣湾既申子居酒屋，野食好有质素，今次带个朋友黎旺角黑布街既分店再试下。😆😆申子既装修都系以幽暗同深木色为主，主要行型格路线。情侣黎或者一班朋友黎都好适合。🥰🥰首先黎既系深海池鱼刺身，鱼肉虽然比较薄身，但胜在够新鲜，而且口感非常爽口，鱼肉结实弹牙，非常口错。😄😄接住黎既系申子好出名既盐烧牛舌芯。今次再食仍然保封水准，牛舌好厚身，口感柔软，而且油脂感丰富，简单以盐黎调味已经足够。主食仲有蓬松玉子，表面有大量既葱同埋日式大阪烧酱。玉子口感好滑溜，一切开已经有大量蛋汁流出黎，而且蛋味浓郁带少许奶香。🥰🥰最后黎既系油扬腐皮乌冬同埋巨大虾球。前者汤底清淡，唔会油腻，而且乌冬弹牙爽口，加上腐皮带少许甜味，好啱我口味。而后者一上枱果阵，我地都吓咗一跳，真系好大粒，入面有大量既虾粒，而且虾胶都好弹牙，外皮又炸得非常香脆，口感层次分明，好值得一试。😋😋