朝

营业中

休息中

上星期去咗太子食呢间几出名嘅居酒屋—朝，食物都几好食，价钱为中上，岩晒庆祝嘅日子食～首先我地叫左个芒果蟹籽沙律开下胃，估唔到都几大盘👍🏻之后叫左店员推介嘅吞拿鱼脑天3切，油脂感重，吞拿鱼味重，超级好食！除此之外，我地点左大啡菇、车厘茄、唐扬一口辣芝士、烧辣味墨鱼咀，呢2款辣味小食真系颇辣，唔食得辣嘅朋友记得小心～另外仲有西京银雪鱼、盐烧白馒串、黑猪肉肠、豚肉紫酥卷、熊本牛肉串，呢几款都十分推介，味道熟度适中、调味料唔会遮盖本身食材嘅味道，肉质好juicy❤️最后叫左个冷乌冬结尾，乌冬够烟靭够冻，伴嘅冷面汤唔会太咸，唔错！