Cocoon (已結業)

今日同朋友去咗观塘工厦嘅 Cocoon 食饭，真系有惊喜。首先介绍下我哋点咗嘅两个主菜：秘制日式烧汁豚肉炒面＄98 同埋唐扬炸鸡慢熬鸡汤乌冬＄88。炒面个豚肉够香口，烧汁味道一流，乌冬嘅炸鸡真系皮薄炸得超级香脆，鸡汤仲好有层次感。以上两个主菜都系套餐，仲配埋有糖心蛋嘅沙律、日式味噌汤同埋饮品，真系超级抵。值得一提嘅系，我哋加咗$28换咗百香果柠檬梳打，另一个餐加咗$38换咗蜜桃乳酸沙冰。店员仲好有心，会落少啲糖俾你先试味，真系唔够甜先再加糖，令到饮品嘅甜度啱啱好，唔会太甜。串烧方面我哋试咗串烧翠玉瓜 $18、串烧菜心苗$16 同埋烧牛舌$58，全部都好多汁，特别系牛舌，烧得啱啱好，入口即化。呢度真系抵食又好味，无论系日式煮食定系串烧都好掂。服务又好好，店员细心，成个用餐体验都非常满意。