保家山 (已結業)

高质工厦汉堡😍工厦真系越嚟越多嘢食，近排食过印象比较深刻嘅系观塘骆驼漆大厦呢间手工和牛汉堡☺️佢最大嘅特色系用手工和牛做汉堡，加埋独有嘅酱汁，做出唔同风味嘅汉堡，真系又落本又用心☺️我哋要咗两款口味，一款系“山”，即系佢嘅招牌酱汁，另一款系.“葵”，即系山葵酱汁。两款都夹住厚厚嘅和牛扒，好香好够味好juicy😍山葵汁比起招牌酱汁，真系多咗啲wasabi味，好特别，不过唔攻鼻嘅。两款都好味，值得再去食。另外会配埋薯格同汽水。薯格可以拣两只味，牛油味同麻辣味，两款都好香脆好好味，麻辣味亦都唔会太辣，啱啱好。虽然系工厦入面，但系餐厅环境都几舒服，坐位阔落，以后去观塘食嘢又多一个选择啦。