秋意 (成業工業大廈)

营业中

休息中

晚上同老友去左观塘秋意食饭。店舖不大，估唔到不到7点已经坐满人，好热闹。我地叫左必食酸菜鱼，店长推介的豉油鸡，同埋百香果茶。本身都唔系嗜辣的人，但实在太喜欢食酸菜鱼，所以都会引唔住叫。戈个秘制汤底酸同辣的层次恰到好处，唔会因为太辣盖过酸菜味。鱼片新鲜弹牙无骨，加埋芽菜豆卜,浸住汤食埋个爽滑薯粉，实在滋味十足。唔怪之得咁受欢迎，听到唔少客人都叫酸菜鱼，但好快已卖晒，心谂好在来得早有机会试吓。秋意去骨豉油鸡亦系必食推介，平时食鸡真系唔食皮，但店舖提示食鸡唔食皮不如唔好食，今次就破例食埋皮啦。难得鸡皮唔肥利，豉油味又好香口，鸡肉嫩滑无骨啖啖肉真系好正。百香果柑桔系自家手冲的，食完辣野饮左口腔清新晒。整体食物质素高质，所以堂食外卖都好旺，值得推介。