龍百味小廚

营业中

休息中

放工见到金马伦道呢间龙百味小厨好多人，行近去睇吓，原来系主打平民小菜。餐厅非常光猛，地方干净企理，堂食座位仲好多，可以坐得阔落，仲见到有几个外国人入去试吓香港独有嘅”this this rice “！𩠌菜选择非常多，分5个价钱：$18、$22、$26、$28、$48。拣咗五款小菜外卖：凤梨咕噜肉咕噜肉啖啖肉，酱汁酸甜，好送饭。陈年黑醋一字骨酱汁酸甜平衡得好好，都系送饭之选。虾仁炒蛋份量好多，虾仁好大只，入口弹牙。西兰花炒鸡柳除咗西兰花同鸡柳之外，仲有三色椒，健康！咖喱薯仔牛筋腩呢个几有惊喜，咖喱味道对辣，薯仔炆得好腍，牛筋腩完全唔嚡，仲好入味！堂食的话，白饭$5仼装，$6已经有一碗老火靓汤，对于想食住家𩠌嘅人嚟讲，性价比好高。