616牛肉火鍋專門店 (西菁街)

营业中

休息中

听朋友讲，呢间火锅店性价比算高，所以入去试下。两个人叫咗一个餐另加几样其他𩠌。罕有部位3送1组合 $204此餐基本有“澳洲和牛颈脊”、“牛上肋”、“澳洲五花趾”，另外加送一碟“安枱斯横隔肌”。4碟质素都好高，睇落好新鲜。五花趾食落有啲弹牙，牛颈脊油花分布均匀，食落有油香。另外两款都好好，好嫰唔韧，有牛肉味，唔识太详细分类喇。鸳鸯沙牛汤底 $82一边系浓厚沙嗲汤，另一边系牛腩清汤。想试清牛肉原味用清汤𠮶边就fit晒。沙嗲汤底好够浓，煲煲下开始好浓，想惹味就用呢边啦。清汤𠮶边有几旧牛腩。响铃 $28脆！索5秒沙嗲汤一流！水莲菜 $28未见过，几得意，煮熟咗一抽咁食，好爽口好香菜味，几好。滑尾龙 $48上碟连一只生蛋，同啲牛肉捞埋一齐先再煮熟。入口好滑好滑，但我自己又反而麻麻地，感觉似腌到好滑𠮶种感觉。牛心 $48又香又滑又爽口，推介。牛驼峰 $48鲜甜，入口好软滑，有少少油脂嘅香味。双拼牛肉饺 $48有麻辣同原味。麻辣度都几够。饺本身馅好足料，成只实滴滴，但个人觉得偏咸少少。炸鱼皮 $28炸得好脆，点汤食唔错。