薄餅怪獸

营业中

休息中

本人最钟意支持小店，咁啱要去土瓜湾，所以就入咗呢一间薄饼屋试下。位置都几方便，系土瓜湾地铁站出黎2分钟就到。餐厅座位唔算好大，中间放咗两排长枱，如果一大班朋友去食都得，地方好干净，坐得舒服。烟三文鱼千岛酱薄饼 $138 👍🏻呢个薄饼一上枱就超级香，薄饼上面既𩠌好足料，我哋拣咗厚枇，饼底好松软，蟹柳同埋烟三文鱼份量都好多，搭埋浓郁的千岛酱同埋芝士，唔会好油腻，两个人食岩岩好。小食拼盘 $92👍🏻拼盘有咖喱角、炸洋葱圈同埋煎鸡翼，每样都有4件。咖喱角炸到脆卜卜，内里香浓既咖喱味道好开胃，再加上店主自制的酱汁，都几好食。煎鸡翼煎至表皮微焦的，入面既keep 到嫩滑，唔会煎到好干。春卷炸到唔会好油，入面既肉馅好足料。洋葱圈炸到香酥可口，平时少食洋葱既我，都食了好几件🤣海鲜白汁焗阔条面 $66海鲜阔条面极多白汁，阔条面软硬度适中，加了鱿鱼、蟹柳、蚬肉等等，鲜味十足。整体价钱比一般cafe 便宜。