嚐館 (已結業)

呢日去咗黄大仙朋友屋企housewarming，晚饭时间就带咗我哋去呢间Cityfresh Bistro。朋友话搬咗嚟呢度食过几次，外卖有九折，堂食都唔使加一服务费，所以好抵食。朋友仲特别推介呢度嘅原只烧春鸡香草蜜糖。朋友果然冇介绍错，烧春鸡皮脆肉滑，鸡皮烧得好甘香，肉质都好Juicy。最正嘅系佢会主动俾咗一支韩国糖浆，如果嫌唔够蜜糖可以自己再添加。伴碟嘅薯仔粒都好好食，每粒都经过煎炸嘅效果，加埋甜甜地嘅蜜糖就更加惹味。另外我哋仲叫咗一客野生杂菌黑松露忌廉汁烩北海道带子意大利饭，用忌廉汁煮嘅意大利粉够晒入味，带子份量都唔少，而且煎得两边金黄，而入面仍然保持鲜嫩。黑松露份量相当多，所以每啖都有黑松露嘅香味，再配合其他菇菌令口感更加丰富。冻奶茶都好香好滑，甜度适中，又够冰冻。另外佢哋嘅甜品同面包都好吸引，所以我都买咗件蓝莓芝士饼返屋企慢慢品尝。