Homeland (牡丹大廈) (已搬遷) 新店位置

系附近探完朋友就系附近食晚饭，我地7点去到已经有好多人，餐厅颜色够哂缤纷，入到去坐底人都开心D。 泰式柚子蟹肉沙律沙律材料丰富，除左有新鲜沙律菜之外，仲有蟹肉、柚子、蕃茄仔、青瓜等，再配埋微辣既泰式酸甜汁，好开胃。 肉酱芝士四重奏千层面每一层千层面都铺满肉酱同芝士，芝士四重奏最岩芝士控，芝士味够哂香浓，千层面煮到刚刚好，唔会太腍，而且馅料非常之多。 招牌甜品拼盘 甜品拼盘摆盘已经好靓，有好多生果同埋蛋糕，仲有一球甜筒，雪糕竟然系姜味，第一次食姜味雪糕，好特别，芝士蛋糕既芝士味亦够浓，而且好滑，朱古力moouse蛋糕唔会太甜，朱古力味好香。 爆爆珠士多啤梨红茶爆爆珠一咬就爆，好得意，士多啤梨味亦好清新。