御石燒 (已結業)

暑假又继续揾好嘢食，今次都系小朋友上网揾，揾到呢间都好特别，值得推介嘅餐厅。一入餐厅，黑色墙嘅装修，有入咗洞穴嘅感觉。神秘得来带点实在。我哋食午餐，都有好多选择，当然叫一份御烧特级牛小排，再叫一份牛肉野菜锅。牛肉野菜锅又忍唔住叫咗半份乌冬。两份餐有两碗饭，我哋又食唔晒，所以其中一碗饭，转左菜丝沙律。御石烧一到，好开心，有得玩，有得食。职员有介绍，选用Prime 牛小排，不需要烧到全熟，当然小朋友可以煮熟啲。肉质淋滑，丰富牛肉味，够juice, 小朋友劲钟意，不停望住我烧，喺度等食。酱汁偏甜，我哋钟意落盐多啲，好好味！跟住到牛肉野菜锅，有牛肉、豆腐卜、金菇菜、红萝卜、芋丝、绍菜…….寿喜烧汤底，牛肉同菜都煮得好入味，豆腐卜吸晒啲酱汁，超正！ 食到咁上下，加埋乌冬落去，乌冬同寿喜烧汤底，永远系最好朋友，小朋友抢着嚟食。见佢食得开心，唔出声，默默耕耘，我都唔阻佢啦😂提一提菜丝沙律，碗底有酸汁，捞埋一齐食，感觉好清新，不过小朋友一向都唔食沙律，我就食咗少少饭先开始食沙律，次序好似唔系好啱，下次应该忍口食沙律先😬职员有礼，女职员更加笑面迎人，由入餐厅开始，有介绍食物，有介绍烹调方法，亲切有礼。仲