八沢 (杏花新城) (已結業)

难得去港岛杏花村有野做，梗系要系商场睇下有咩正野食，同同事一样都想食日式做午餐🤩，见到呢间好似有啲fusion感觉就入去试下，有惊喜!! 😋黑松露忌廉海鲜乌冬，个忌廉汤底好滑好香忌廉味，但系感觉完全唔肥腻，有啲卡邦尼既味道，三文鱼同带子都鲜甜，乌冬听闻系手打，好味道但都系比个汤底抢晒风头，大爱呢个汤底，可以成碗汤清晒😝同事叫左个小桶山姜玉子鲷鱼腩饭，第一次食鲷鱼腩，都几鲜甜完全唔腥，又有淡淡既姜味😍，同啲鱼几夹，个玉子未熟晒，用黎捞饭食真系好正🤩同事秒杀左成桶饭另外仲叫左个吉列炸蚝，明太子鸡翼小食，炸物最紧要送到黎仲系热辣辣同脆卜卜，果然无令我地失望。炸蚝有蚝味，鸡翼有小小辣(我完全唔食得辣)，好开胃🥰今餐同同事都食到好饱好满足，叉足电继续做野💪🏻