Ricco (已結業)

去完附近李郑屋汉墓作常识科参观，一条东京街之隔，转入青山道x诚超市几个舖位就到。啱啱撞正换招牌。听讲餐厅停工一排，今日开番。位置不算隔涉难揾，装修新净四正。大部分预设二人枱，近舖尾厕所一排枱面壁。快餐模式，先点餐付款，等叫号再自行拎餐。试咗温泉蛋系列-「招牌生炸鸡髀饭」，日式照烧摆咗喺脆肉瓜萝卜底，就算笃穿温泉蛋捞埋，喜欢汁浸饭始终稍嫌汁唔够多。不过重点炸鸡髀真系超松脆，加上已经少见呢类以面包糠式炸髀，几令人食指大动。餐单应该加番条🌶俾「韩式泡菜肥牛炒意粉」，已算小辣，虽然配菜都系脆肉瓜菇菌，炒得有少少汁唔会太湿。两个餐份量都系标准够哂每人食，所以点多个「芝士肉酱焗薯蓉」（虽然都几好样）有啲过咗，而且薯蓉都唔细，几乎等于食多份意粉。