影片
更多
2023-07-16
142 浏览
呢间牛肉火锅店分店遍布港九新界，总有一间系左近！已经二访呢间火锅店，今次去咗太子分店，呢间位置比较少，相对上冇其他分店咁舒服，但佢嘅食材依然新鲜高质，盲选都唔会伏，而且价格亲民，最平$48一碟，真系好抵食！有好多牛肉部位可以散嗌，而且又唔贵，一大班嚟食又得，或者自己一个心血来潮想嚟返个一人火锅都冇问题🥢！出面有个自助酱料吧，自己沟啲汁出嚟，必试佢个牛肉汁加青柑🍋，好清新又吊得出牛肉嘅味道，酸酸哋几消腻，简单渌完啲牛肉点佢真系好好食！------------------------------🥘◖牛杂汤底◗ $82牛杂汤底真系超正，超足料，平时街边食碗牛杂已经要几十蚊，呢个锅底入面每块牛杂都系厚切，全部都好大块，绝对值得，钟意食牛杂嘅朋友，千祈唔好错过！🥩◖信州和牛肩胛◗ $78和牛好多人唔食系惊太油腻，今次试嘅肩胛油花分布均匀，食落去有质感而且牛味浓郁但又唔会好油腻，食多几旧都唔怕！🥩◖肩胛翼板◗ $48软绵绵好似棉花糖咁，超容易咬开！🥩◖安格斯横隔肌◗ $48最钟意嘅部位，牛味香浓得嚟，带有好浓郁嘅牛味，肉质比较松散，口感腍身易咬！🥩◖英国安格斯牛前胸肋◗ $58牛味香浓，里面夹杂住
有好多牛肉部位可以散嗌，而且又唔贵，一大班嚟食又得，或者自己一个心血来潮想嚟返个一人火锅都冇问题🥢！出面有个自助酱料吧，自己沟啲汁出嚟，必试佢个牛肉汁加青柑🍋，好清新又吊得出牛肉嘅味道，酸酸哋几消腻，简单渌完啲牛肉点佢真系好好食！
------------------------------
🥘◖牛杂汤底◗ $82
牛杂汤底真系超正，超足料，平时街边食碗牛杂已经要几十蚊，呢个锅底入面每块牛杂都系厚切，全部都好大块，绝对值得，钟意食牛杂嘅朋友，千祈唔好错过！
🥩◖信州和牛肩胛◗ $78
和牛好多人唔食系惊太油腻，今次试嘅肩胛油花分布均匀，食落去有质感而且牛味浓郁但又唔会好油腻，食多几旧都唔怕！
🥩◖肩胛翼板◗ $48
软绵绵好似棉花糖咁，超容易咬开！
🥩◖安格斯横隔肌◗ $48
最钟意嘅部位，牛味香浓得嚟，带有好浓郁嘅牛味，肉质比较松散，口感腍身易咬！
🥩◖英国安格斯牛前胸肋◗ $58
牛味香浓，里面夹杂住啲筋位，口感比较爽脆，有适量嘅油脂，好甘甜！
🥩◖苏格兰雪花胸肋◗ $58
同英国𠮶种比，筋位会冇咁多，肉味相对浓，钟意食肉感呢一个应该几好～
🥩◖加拿大艾伯塔牛嫩池板◗ $48
切得比较厚身，口感有啲似嫩牛肉。
🥩◖熟成加拿大牛肩脊◗ $58
口感有啲瘦肉，几有肉味，但牛味就差少少呢～
🧆◖手打牛筋丸（半打）◗ $30
呢款牛丸油脂比较少，比较实净，牛肉味都几浓，味道正常发挥～
🍜◖手打乌冬◗ $18
佢嘅面系特别选购返黎，同本地面厂合作，呢只面面质有韧气，食落颇有咬口，同稻庭乌冬差唔多～
🥬◖水莲◗ $28
水莲够爽脆鲜甜，打边炉必叫！
🌟Encore指数：8.9/10
张贴
