Pentola (裕民坊YM²) (已結業)

观塘市区重建后，多咗好多高质餐厅，今次就嚟到呢间意大利餐厅🇮🇹撑枱脚 - 前菜 -先来两块面包，再加上一碟油醋汁，几开胃，好有意大利风味，跟住就上个粟米忌廉汤，粟米同个汤融为一体，啖啖Creamy，之后再黎个巴马火腿同茄子蓉小食， 材料新鲜好味。 - 主菜 -封门牛柳伴薯条🥩牛柳一上枱就哗左声，煮得好好，呈现非常漂亮嘅粉嫩色，分量都好多，咬落去好juicy，肉汁爆晒出黎，佢有烧汁配埋，但我觉得已经唔需要再作调味，而薯条就香脆可口。 - 手工意粉 -龙虾大大只，火喉控制得好好，肉质啱啱好，鲜甜弹牙。意粉就食得出同平时𠮶啲唔同，呢只手工意粉比较烟靭，加上虾汁，令意粉更加浓郁同Creamy。 - Pizza -我哋叫咗半份pizza，pizza 用特制嘅炉去焗，面包呈现焦香既颜色同味道，配料份量都足，有大量嘅蕃茄酱芝士同香草，每啖都觉得好有正宗嘅意大利风味。 - 甜品 -我哋点咗一件Tiramisu同一件果冻，tiramisu酒味啱啱好，果冻有好重嘅牛奶味再配上百香果，口感几特别。