BOLD Coffee (已結業)

深水埗近年多咗好多cafe，各有特色。位于布行林立嘅基隆街就有呢间Bold Coffee。以布艺为主题，店内用上彩色布条装饰，颜色鲜艳啱晒打卡主食以意粉同面包为主，第一次嚟就试下招牌菜-梦王卡邦尼意粉。用上日本刺身级鸡蛋梦王嘅carbonara，系正宗意大利式无落忌廉，每条扁意粉都沾满芝士蛋汁，芝士味浓郁但唔会太腻配埋厚切烟猪腩肉条咸香，估唔到cafe嘅carbonara都咁好味甜品拣咗士多啤梨乳酪牛角包窝夫配雪糕，croffle即点即制，口感酥脆牛油香味突出配埋靓靓少女粉红色士多啤梨乳酪，味道酸酸甜甜够清新份量多够两个人share食。除咗餐牌上嘅甜品，亦有是日甜品。伯爵茶scone表面微脆，中间干身食落唔黏口。伯爵茶味突出，配埋柠茶jam好好味Flat white咖啡偏nutty，口感风味明显有朱古力同杏仁。除咗咖啡之外，亦有多款特色饮品，就算唔饮咖啡都有好多选择。Matcha strawberry tonic睇颜色都知抹茶味够浓，夹埋tonic同士多啤梨唔觉苦涩，同士多啤梨味好夹总括嚟讲食物好有质素，意粉同甜品都好好味。店内气氛悠闲，座位阔落坐得舒服。