我愛慢煮 (孖沙街) (已結業)

上环既餐厅愈开愈多，但以慢煮作招来既真系唔多，而呢间系孖沙街既＜我爱慢煮＞就系其中一间～秘制保湿猪鞍架8oz 加煎鹅肝片（$138+$38）猪鞍好厚身，虽然全熟但一d都唔韧，而且肉汁丰富，只系简单调味已经够。煎鹅肝油脂丰盛，入口甘香，配埋猪胺一齐食令味道更有层次。M5西冷牛扒8oz 加芝士温泉蛋大啡菇 （$298+$38）牛扒大约5成熟，牛味浓郁而且充满肉汁，钟8浓味d既可以点埋店舖秘制酱汁一齐食。大啡菇爽口而且岩岩好熟，唔会过干，而且菇香味浓，一切开已经见到蛋黄汁流出黎，蛋香味再加埋带咸味既芝士，呢个配搭一流。意大利香肠鲜菠萝薄饼（$68）薄饼比较厚身，质地偏向似面包，咬落有d烟韧，上面既应该系千岛酱，酸酸甜甜，配埋香肠既咸香味，质素绝对对得起个价钱。