ROSIE

营业中

休息中

约咗个钟意打卡嘅朋友去食葵芳Rosie，呢度环境真系好有格调，大地色配搭白色圆拱门,灯同木质配搭出波希米亚风，感觉relax,好有异国情调，打卡一流！依家餐厅开到夜晚九点，夜晚收工过嚟都仲有得食。佢哋嘅意大利粉好高质，唔系普通连锁店果啲货色。嗌咗招牌菜龙虾浓汤蟹肉带子面,个汤底香浓得嚟又唔会太滞,充满蟹肉同带子，口感好有层次。意粉软硬适中又挂汁。秘制流心蛋治卖相好吸引！份量仲要好满足。配埋脆卜卜嘅多士,香口酥脆。呢个真系必食推荐！饮品我拣咗青柠薄荷绿茶,清新解腻,好啱夏天饮。惊喜抵食加20蚊就有小食炸薯条配黑松露蛋黄酱，份量十足,薯条炸得金黄香脆,个黑松露蛋黄酱香浓惹味,好过瘾。虾多士都系加20蚊就有，多士脆卜卜,虾肉爽口,惹味香脆。