黃金廚房

营业中

休息中

天气开始转凉，就想打边炉，同朋友喺深水埗行完街见到呢间黄金厨房，即刻入咗去打个边炉先。首先我哋叫咗白鳝片，一碟份量都好多，满满一碟，好足料。加上白鳝鱼肉肉质好滑嫩，加上冇乜骨，可以放心食。然后再叫个好补嘅花雕猪脑，一啲异味都冇，仲有淡淡嘅花雕酒香，入口都好滑嫩。仲有唔少得鲜鹅肠，口感滑溜得嚟，又有咬口。份量够晒多，而加埋个超浓汤底，真系一流。想食得冇咁重口味，汤底就拣左蕃茄薯仔牛坑腩锅，呢个汤底蕃茄味都好浓，酸酸甜甜好开胃！最佳配搭一定系蕃茄薯仔汤！而牛坑腩入口松化，牛味香浓，唔错唔错👍🏻