北海丼 (已結業)

去太古想食间有质素又价钱合理既日本餐厅, 去北海丼系一个好既选择.系餐厅门口望餐厅既时候, 员工都好有礼貌同热诚咁介绍佢地既食物.  结果唔洗两秒就决定入去食.餐牌真系有好多款肉/海鲜丼, 有大碗, 又有迷你丼.  最后同老婆决定每人叫2个唔同既迷你丼可以share.   迷你吞拿鱼丼有赤身, 大拖同埋tata... 基本上样样都好食, 米饭温度适中, 唔会令到D 鱼温度过热.  醋饭味道岩岩好, 唔会太酸, 完全食到一粒饭都唔剩. 另一个套装有白身鱼沙律, 乌东,天妇罗同埋海胆三文鱼子. 白身鱼沙律酸酸甜甜好开胃, 海胆新鲜惹味. 天妇罗虾有两只, 入口唔会太油岩岩好, 但系味道唔会话令人印象深刻, 鱼生再配个炸物我又觉得有少少怪. 汤乌东都算系一个惊喜, 汤底清甜, 乌东有咬口. 本身打算饮啤酒, 但系老婆提议叫支清酒慢慢饮仲好咁话. 佢既选择真系无错. 一口海鲜, 一啖清酒真系好夹. 帮我地倒酒既waitress 可能有少少紧张, 倒完酒之后个盖跌左落地. 但佢都系无心之失, 个盖唔易开, 所以不追究, 但希望下次无咁紧张啦. 不过餐厅真系要改善下上菜速度, 2个人一齐食饭但唔系