神石燒牛扒水產專門店 (如心廣場二期) (已結業)

久违好耐冇食嘅烧肉，今日约咗同姊妹过嚟一边烧一边食，一边倾。食完再喺如心广场行街，行程满满。餐厅做紧周年限定半额午市套餐，我哋嗌咗两款，每人$100仲有找，真系非常抵食。套餐嘅肉用蒜蓉和香葱腌制，满满非常香嘅香葱味和浓郁嘅蒜蓉味。🐷豚肉套餐：一人份量火山烧肉盛🐷北海道千岁豚肉盛合 ，包括有三款豚肉1.北海道千岁豚肉，有明显分开一半瘦肉一半脂肪，瘦肉同脂肪嘅比例，相对比较平均，豚肉又香又鲜甜2.西班牙豚五花，五花肉嘅脂肪最多，烧过之后又好香嘅猪油味，入口极之甘香松化，口里充满香味3.西班牙极豚肉，以瘦肉为主，大大块肉质柔软，猪肉味非常浓，但唔系猪肉嘅臊臭味，非常鲜甜。🐮牛肉套餐：一人份量火山烧肉盛🐮美国牛肉烧肉盛合，包括有三款牛肉1.美国安格斯牛肉，系三款牛肉当中牛肉味最浓嘅一种，甘香又juicy。2.美国特级牛五花，牛五花入口即化，有鲜甜嘅牛肉味和油脂香味，烧嚟食味道更加香。3.薄切葱花牛舌，牛舌嘅肉柔软又弹牙，好有咬口，而且唔会肥食多多都唔怕，佢比其他牛肉部位都更加鲜甜，蒜蓉和香葱嘅味道亦令佢更加滋味。