影片
更多
2022-01-16
503 浏览
讲起手工意粉，应该唔少人都会识得Pici。好耐之前已经听过啲frd赞依间餐厅lunch set好抵食，专登趁放假嚟左西环依边嘅分店试下。Lunch set餐牌会定期转款式，$158会包左个前菜、意粉同埋甜品，部份选项会再要另外加钱。之前晚市嚟食一个意粉都已经过百，所以觉得中午依个set特别抵食。入座无耐已经会有袋面包摆低比我地，虽然面包唔热，但搭配埋佢啲黑醋同橄榄油又几好食，一路食一路谂如果可以再比多啲包我地就好。今次前菜试左以下三款：※ Andrea's Cold Cuts依款系Parma Ham，分量比我想像中多，再搭配埋芝士无得输，不过食食下会觉得有少少咸，好彩今次系同人Share食。※Tuna Tartare觉得依个吞拿鱼他他卖相几精致，食落其实有啲似食紧日本鱼生。味道唔腥，仲有牛油果同洋葱做搭配。※Rocket and Pear Salad谂住叫碗沙律好似健康啲，但火箭菜始终唔系太啱我，食落有啲苦涩。不过估唔到佢前菜分量都颇多，如果三款里面拣嘅话个人最中意吞拿鱼他他。主菜方面试左两款：※Strozzapreti Four Cheese依个手卷螺旋粉我都系第一次食，平时好似无咩
Lunch set餐牌会定期转款式，$158会包左个前菜、意粉同埋甜品，部份选项会再要另外加钱。之前晚市嚟食一个意粉都已经过百，所以觉得中午依个set特别抵食。
入座无耐已经会有袋面包摆低比我地，虽然面包唔热，但搭配埋佢啲黑醋同橄榄油又几好食，一路食一路谂如果可以再比多啲包我地就好。
今次前菜试左以下三款：
※ Andrea's Cold Cuts
依款系Parma Ham，分量比我想像中多，再搭配埋芝士无得输，不过食食下会觉得有少少咸，好彩今次系同人Share食。
※Tuna Tartare
觉得依个吞拿鱼他他卖相几精致，食落其实有啲似食紧日本鱼生。味道唔腥，仲有牛油果同洋葱做搭配。
※Rocket and Pear Salad
谂住叫碗沙律好似健康啲，但火箭菜始终唔系太啱我，食落有啲苦涩。
不过估唔到佢前菜分量都颇多，如果三款里面拣嘅话个人最中意吞拿鱼他他。
主菜方面试左两款：
※Strozzapreti Four Cheese
依个手卷螺旋粉我都系第一次食，平时好似无咩餐厅有依款意粉食，谂住试下。一嚟见到成兜满满嘅芝士已经觉得极度邪恶，食落不得了，芝士味道非常浓郁，而且佢意粉嘅口感非常正，好烟韧，嚼劲十足。好中意食依种texture嘅意粉，如果系芝士爱好者，一定要试下依个意粉。
※Pappardelle Pork Ragu
依个食落觉得就系番茄酱宽条面，虽然餐牌上面写辣猪肉酱，但其实完全唔辣。意粉上面洒左芝士倍添滋味。而且宽面好挂汁，每条都食到浓郁嘅番茄酱，够哂开胃，意粉味道唔错不过口感方面如果可以再弹牙少少会更好。
最后甜品方面叫左Tiramisu，成日听啲人赞依个甜品出色，今次终于有机会试。
一食入口已经感觉到非常creamy，觉得佢系偏向custard，好香滑。中间𠮶层蛋糕湿润而咖啡味都浓，成个Tiramisu层次感十足。食落虽然有啲甜，但无阻佢好好味嘅事实。食完完全体会到点解身边啲朋友都极力推荐依个Tiramisu，真系非常出色，难怪会系Pici嘅必食之一。用依个甜品作结尾简直系非常满足，好幸福～
整体嚟讲，觉得依个lunch set真系超抵食(不过只限平日供应)，cp值高！
好中意佢嘅手工意粉充满口感同埋Tiramisu细致幼滑劲好食。同埋觉得依度啲staff服务都几好，会主动同我地介绍下餐牌，又问下我地啲野食好唔好味。不过因为啲staff都系外籍人士，所以嚟依度都要做好心理准备讲英文。
张贴
