鳥棲日本料理 (已結業)

呢间位于观塘工业大厦嘅日式餐厅，餐牌入边嘅选择颇多，除咗有主打嘅烧物，仲有小食、沙律、乌冬、炒饭同多款特式甜品。餐厅订价亦非常合理，食物质素唔错，算得上系抵食之选。软壳蟹沙律（$78）- 分量相当大，软壳蟹炸得香脆，配搭沙律菜食，味道清新，亦好醒神。味醂鱼干（$38）- 鱼干入口脆香，热辣辣，点埋沙律酱食，作为餐前小食真系一流。手打免治鸡肉棒（$48）- 睇卖相已经够晒吸引，免治鸡肉棒够晒入味，点埋蛋浆，味道唔错。牛肉稻庭乌冬（$82）- 牛肉份量都唔少，稻庭乌冬入口够晒烟靭弹牙，钟意食乌冬嘅朋友绝对可以一试。日式烧饭团（$48）- 饭团烧得好香，带少少饭蕉味。入边仲有炒米、樱花虾等，令到质感同味道都好丰富。朱古力心太软（$38）- 呢个超有惊喜，朱古力味浓郁，切开蛋糕，入边嘅朱古力酱流晒出嚟。配埋cream一齐食，味道非常夹。朱古力控必食。