麻辣風雲 (荃碧大廈) (已結業)

今日嚟到位于荃湾碧泉大厦嘅麻辣风云，佢喺楼上铺，你到碧泉大厦就会见到有个楼梯直上就系。上到嚟餐厅环境阔落，装修古色古香，坐得非常舒适🙈。。太极鸳鸯鱼一边水煮鱼另一边酸菜鱼，一道菜两种享受😆，鱼肉份量好足，又抵食又滋味。水煮鱼辣度啱啱好，唔会好油腻，而且越食越惹味😋。而酸菜鱼同样出色，花椒嘅麻香味十足，又酸又辣，食得好过瘾😍。除咗鱼肉份量足之外，仲有好多其他配菜，有阔粉、莴笋、芽菜等等，令到口感更加有层次感之余，亦都好入味，劲推荐❤️。。炸馒头呢度菜真系估佢唔到，净系卖相就已经不得了。炸馒头用木制嘅船装起上台，配上干冰，真系超有特色🤩。而且打完卡之后，亦都可以先拜托店员将个船收起，咁就唔会怕太多嘢食，张枱放唔落太迫👍🏻。而口感味道方面，炸馒头炸到完美嘅金黄色，表面十分干身脆口，外脆内软，在沾上甜丝丝嘅炼奶，真系回味无穷🤤。。口水鸡口水鸡都唔错，肉质嫩滑，作为冷盘几吾错，而且份量都几多，不过稍微油腻咗少少🙈。。洛神花茶除咗食物之外，饮品都好令人惊喜，餐厅有两款特色饮品系好特别哋用埕去饮，好有古代风格，打卡必备😎。