大喜屋 (已結業)

同女朋友系附近行街, 听朋友讲呢间放题几抵食, 咁当然要带女朋友上黎试试佢啦。我地知道比较夜, 但都照book左, 食2115个转。因为较夜, 又平日, 餐厅唔算好多人。食放题最怕就系食物售罄, 黎得慢等等。不过呢间完全唔会有呢d问题, 交完纸仔转个头就有野食。先讲刺身, 款式非常多, 有常见既三文鱼, 甜虾, 希灵鱼, 带子 之外, 仲有剑鱼, 油甘鱼呢d选择。都劲甜 劲新鲜。个人好中意带子同油甘鱼, 食落好鲜味。另外, 因为想食海胆, 所以叫左海胆手卷。正, 手卷紫菜够脆, 海胆又新鲜。如果唔系惊饱我会再嗌。另外当然唔少得特色寿司, 餐厅好贴心, 饭团都比较细。烧物方面, 有个好正既炸猫山王。 食落超香~而且又唔会好滞~推介之选!!此外都有唔少熟食, 鸡翼, 牛柳粒, 蟹粥, 煮大虾等等最后, 每人都有杯雪糕, 重要系季节限定!!yogurt strawberry, 唔太甜, 超岩我。