樂天大喜屋 (已結業)

刺身三文鱼食到油脂嘅口感，好嫩好弹，希灵鱼好爽甜，油甘鱼肉质厚实。泰式虾刺身嘅虾鲜甜，泰式酱地道，所以食完都嗌多一碟😆香芒吉列虾卷放左一阵先食，冇谂过个吉列虾仲系脆同暖，芒果都好大旧同甜花之恋三文鱼肉质细嫩，鱼籽爽脆冇腥味，不过就冇乜沙律酱黑松露蟹肉带子寿司有好大阵黑松露味，亦都有好大旧蟹肉，啲饭加左芝麻同紫菜，令口感丰富左香草牛油煮鲜大蚬好香牛油味，蚬肉好新鲜同大粒，香草牛油偏甜，中和到蚬肉嘅咸味蒜蓉粉丝燕蒸扇贝扇贝好大粒，粉丝偏硬身，蒜蓉有炸过所以好香好脆，加左葱花同辣椒点缀，好好食👍盐烧牛舌厚度适中，烟烟韧韧，咬落去有盐味同黑椒味，唔错烧温室甜菠萝好大件好多汁，暖暖哋烧得啱啱好牛肉汤乌冬除左牛肉之外仲有菜心、昆布同鱼板，汤底好浓郁，牛肉好滑，份量都几多！