緣味小聚 (金百利廣場) (已結業)

朋友生日，佢好钟意食海鲜，于是请佢嚟呢间餐厅食海鲜蒸锅，两个人叫咗个150分钟海鲜蒸锅放题，有海鲜蒸锅，火锅，和点心食。任食每位都系$368，材料新鲜又丰富，真系抵食到爆！海鲜蒸锅非常丰富，每人都有六款海鲜，每一种都新鲜又好味。厚肉龙虾🦞半只，龙虾肉口又鲜甜，食得出系新鲜嘅，有够弹牙，啖啖好滋味。韩国大鲍鱼🦪一只，鲍鱼大大只，食落去每一啖都系肉好有口感，鲍鱼肉越嚼越鲜甜，滋味十足。鲜格兰蛏子皇一只，蛏子大大条又系鲜甜到不得了，清蒸完就咁食已经好好味，不愧系蛏子皇。法国生蚝🦪一只，呢一只法国生蚝真系极品，大大只又够滑，充满法国海水味😂，又肥又厚肉，成口都充满蚝味。海生虾🦐🦐二只，海虾就系普通嘅海虾，但系够新鲜，爽口又鲜甜，好滋味！爽甜贝壳3只，三只大大只嘅蚬，蚬肉又甜又弹牙，而且仲吐干净晒啲沙，全部都系鲜甜味。火锅：澳洲M5和牛，呢个M 5和牛非常靓，好新鲜嘅红色，叠成一座小山非常，薄片大大块放落去火锅一阵就食得，鲜甜又好味！点心小食：小心流沙奶黄包，我哋仲叫咗份热辣辣嘅流沙奶黄包，甜甜地充满咸蛋蛋香味。麻辣猫耳朵，再食多份清新爽脆嘅麻辣云耳，即刻又开胃晒。