神石燒牛扒專門店 (碧街) (已結業)

放工同男友去左碧街的《神石烧》食烧肉大餐，叫左🍱金和牛盛合 ，$298一位，有4款顶级牛肉，仲有汤和紫菜饭。🍱日本鹿儿岛A5和牛肉眼扒，肉眼扒厚厚一件，一路烧肉汁同油脂一路流出嚟，牛肉香味随着空气飘去，食落去有味浓郁又多汁！🍱美国金装SRF黑毛和牛西冷，呢块黑毛西冷牛，烧一阵就食得，唔需要烧得太熟，入边烧到粉嫩粉嫩，入口肉质柔软好好味。
🍱顶级韩牛1++，呢排行牛肉非常鲜嫩，肉味鲜甜，用嚟烧烤真系一流，薄薄地一块，烧到微微焦香，好快就食晒！🍱美国IOWA黑安格斯牛颈脊，牛颈脊嘅脂肪比例非常好，瘦肉肥肉非常平均，食落去成口牛肉香味！🥣黑豚牛舌洋葱汤，一碗汤满满洋葱，仲有一块块嘅黑豚肉和牛舌，味道非常丰富。🍚满满紫菜饭素的紫菜饭，珍珠米烟烟韧韧，好好味！我哋又追加一份顶级虎虾$19和日式帆立贝$28，呢两样嘢就已经烧好，唔使自己烧就食得。