影片
更多
2023-02-21
1629 浏览
🥰 话说 “长介母后” 点名1881 嘅 “后园” 系全港最好食嘅点心之一, 早前约战十二人江湖饭局, 尽兴而归. 散席时, “长介母后” 口痕痕话楼上间扒房非常好食, 就系 “The Steak Room”.📖 听讲 “The Steak Room” 原本系前洲际酒店嘅扒房, 期后搬咗去1881. 餐厅现隶属于 Lubuds 饮食集团, 名字嚟自 “Louie & Buddies”, 同系多间日本菜, 包括 “穴” 和 “鮨千寿” 等, 亦涵盖欧陆意法, 中菜, 越南菜, 葡萄牙菜等餐厅. 1881公馆里面有中菜 “后园”, 扒房 “The Steak Room” 和 法国菜 “Odea”.🥢 餐厅装修混合咗美国扒房同埋欧式风格, 座位阔落舒适. 今日点咗午餐, $588+10%, 包头盘, 龙虾汤, 牛扒, 甜品.🥐 面包. 香喷喷, 热辣辣, 高质.🦐 头盘: (1) 蟹肉饼 (Caviar Dungeness Crab Salad), (2) 带子 (Hokkaido Scallop & Guacamole with Pineapple Chutney), (3) 鸡尾酒虾 (
📖 听讲 “The Steak Room” 原本系前洲际酒店嘅扒房, 期后搬咗去1881. 餐厅现隶属于 Lubuds 饮食集团, 名字嚟自 “Louie & Buddies”, 同系多间日本菜, 包括 “穴” 和 “鮨千寿” 等, 亦涵盖欧陆意法, 中菜, 越南菜, 葡萄牙菜等餐厅. 1881公馆里面有中菜 “后园”, 扒房 “The Steak Room” 和 法国菜 “Odea”.
🥢 餐厅装修混合咗美国扒房同埋欧式风格, 座位阔落舒适. 今日点咗午餐, $588+10%, 包头盘, 龙虾汤, 牛扒, 甜品.
🥐 面包. 香喷喷, 热辣辣, 高质.
🦐 头盘: (1) 蟹肉饼 (Caviar Dungeness Crab Salad), (2) 带子 (Hokkaido Scallop & Guacamole with Pineapple Chutney), (3) 鸡尾酒虾 (Prawns Cocktail). 你冇睇错, 头盘齐唒三款! 蟹肉饼啖啖肉, 带子啱啱熟, 摊冻咗嘅, 效果唔错, 鸡尾酒虾相对普通.
🦞 龙虾汤 (Boston Lobster Bisque). 非常浓郁嘅龙虾膏味, 又够热, 近期饮过最出色嘅龙虾汤, 超赞.
🐂 主菜: 牛扒 (USDA Rib Eye). 烧得好香㖞. 三小件, 唔同部位, 左右两件脂肪多少少, 油香满溢, 中间果件牛味更浓, 一流! 餐厅提供咗八款盐, 服务员冇乜点介绍, 我估用嚟打卡多, 反正牛扒够晒味.
🍄 配菜有冬菇 (Baked Portobello Mushroom) 同埋薯仔 (Roasted Potato), 唔特别出色.
🍮 甜品: Pink Guava Panna Cotta. 以扒房嚟讲, 呢个甜品相对有诚意, 味道口感似奶冻.
🤗 总结: 餐厅甚有气派, 座位舒适, 午餐非常丰富, 牛扒高质, 分量足够, 再加上三款头盘, 同埋超水准龙虾汤, 性价比有吸引力, 值得推介.P.S. 唯一投诉: 点咗杯 Burgundy, 餐厅冇俾大杯.
张贴
