御品·千之味 (大全街) (已結業)

同一般日式餐厅一样，以木为主，简洁舒适。大约有三十个位左右，到七点半就已经全场坐满。待应虽得两个，但服务好好，落单上菜执碟都好快手。性价比高，食物质素好有水准，如果系我住嘅附近开，必定成为我饭堂。今次两人叫左四样野，每人$140。 软壳蟹手卷 $28唔油腻，无油益味，炸到干身脆口，配埋沙律酱食，好好味。吉列炸虾卷 (4件) $38虾炸得好好，好松脆，食得出新鲜炸出，仍保持到虾嘅爽口。火炙寿司拼盘 (8件) $108 呢个好抵食，几款三文鱼都做到入口即溶，再配埋芝士个种香浓，真系齿颊留香，必食之一。汁煮牛肉手打乌冬 $78比想像大碗，牛肉同洋葱煮得好入味，味道好香浓，牛肉又无煮到变鞋，汤底带有甜甜地，乌冬无过火，仍有弹牙口感。